Blog

Efektet e synuara të dhurimit ndikohen nga kushtet socio-ekonomike të vendit dhe disponueshmëria e burimeve për t’i adresuar ndikimet afatshkurtra dhe afatgjata. Me rritjen e nevojave të popullatës së  cenueshme në aspektin social, ka pasur një rritje të dhurimeve për efekte afatshkurtra. Ndërsa përqindjet kanë ndryshuar pak në krahasim me vitin 2022, dhurimet me efekte afatshkurtra dhe afatgjata kanë ruajtur kryesisht nivel të qëndrueshëm, si në frekuencë ashtu edhe në vlerë. 

Trendet e pranuesve të dhurimit në Kosovë 2019-2023 

Grafiku 1. Trendet në llojet e pranuesve 2019 – 2023 (% e rasteve)
Shkarkoni infografikën në PDF 

Trendet në llojet e donatorëve që dhurojnë në Kosovë 2019-2023 

Grafiku 1. Trendet në llojet e donatorëve 2019 – 2023 (% e rasteve) 
Shkarkoni infografikën në PDF 

Për të tretin vit radhazi, kontributet e përcaktuara për lehtësimin e varfërisë përfaqësuan përqindjen më të madhe të numrit të rasteve të donacioneve. Në vitin 2023, mbi 60% e rasteve të donacioneve i janë drejtuar zbutjes së varfërisë, duke shënuar një rritje prej 6% nga viti i kaluar. Kauza të tjera tërhoqën dukshëm më pak vëmendje, ku secila përfaqëson afërsisht 10% ose më pak të numrit të përgjithshëm të rasteve, duke ruajtur nivelet e vërejtura në vitin e kaluar. 

Prilli, muaji që mban Ditën e Veprave të Mira, një ditë globale vjetore e cila festohet që nga viti 2007, shërben si një përkujtues i fuqishëm i ndikimit që individët dhe organizatat mund të sjellin nëpërmjet veprave të mirësisë. Në Kosovë, fryma e bujarisë lulëzon me organizatat jofitimprurëse vendore, diasporën dhe donatorët tjerë bujarë, me një punë të palodhshme për të përmirësuar aspekte të ndryshme të komuniteteve tona.