Kompania MPM Cosmetics nga Podgorica dhuroi pajisje me vlerë 5.000 EUR departamentit të maternitetit në spitalin e përgjithshëm të Nikshiqit. Pajisjet e dhuruara do të shërbejnë në përmirësimin e shërbimeve që spitali dhuron për nënat dhe të posalindurit. Në këtë mënyrë kompania ka vazhduar me aktivitetet e përgjegjësisë sociale korporative në kuadër të fushatës Së bashku për hapin e parë që u vjen në ndihmë materniteteve në Mal të Zi.