Caritasi i rajonit të Dubrovnikut dhe disa kompani të tjera kanë filluar fushatën për ngritje të fondeve për tu ardhur në ndihmë njerëzve në nevojë. Fushata me slloganin Kur bleni për vete, bleni diçka edhe për të tjerët, fton njerëzit të dhurojnë ushqime dhe pajisje higjienike në shporta të shenjuara nëpër dyqane të Dubrovnikut, Korqulës, Metkoviq, Obrebiq dhe qytete tjera të rajonit të Dubrovnikut. Caritas do të shpërndajë produkte dhe të ndihmojë njerëzit në nevojë të festojnë festën e pashkëve.