Граѓаните и компаниите во Србија донираат повеќе од 20 милиони евра за ублажување на негативните ефекти од КОВИД-19

Од почетокот на кризата КОВИД-19 до 30-ти ноември 2020-та година, во Србија беа донирани вкупно 20,056,752 евра за ублажување на негативните ефекти на КОВИД-19, според истражувањето за донации на Catalyst Balkans.

Деловниот сектор даде најголем придонес, сочинувајќи 64% од вкупната донирана сума. Најголемите донатори кои донираа над еден милион евра беа Фондацијата Новак Џоковиќ и ХИП-Петрохемија АД, проследено со Јунајтед Груп ДОО со донација од 900.000 евра.

10 најголеми донатори во Србија за време на кризата КОВИД-19

Државата, претежно локалните и националните власти и институциите добија околу 80% од вкупната донирана сума. Повеќето донации, над 47% беа искористени за набавка на медицинска опрема. Околу 39% беа насочени за набавка на предмети за еднократна употреба, како што се маски и ракавици, 5,3% за хуманитарна помош и 7,5% за сите други потреби.

Борбата против КОВИД-19 е далеку од завршена, и сè уште е потребна поддршка. Еден од начините на кој граѓаните и компаниите можат да ги поддржат своите заедници е да донираат на Donacije.rs, краудфандинг платформа, сопственост на Catalyst Balkans. Со донирање за една од моментално активните кампањи, можете да ги поддржите најранливите - деца од социјално и економски загрозени семејства, социјално загрозени лица со попреченост, пациенти со рак, медицински персонал и пациенти со КОВИД-19 кои живеат во жаришта.

Врз основа на наодите од истражувањето на Catalyst Balkans, филантропската активност во Западен Балкан во најголем дел беше насочен кон олеснување на последиците од КОВИД-19. Од почетокот на кризата до 30-ти ноември беа донирани над 65,5 милиони евра за борба против КОВИД-19, додека сите други теми собраа нешто повеќе од 37 милиони евра вкупно.

Ова истражување за филантропија и донирање на Западен Балкан беше спроведено од Catalyst Balkans како дел од проектот Framework for giving, имплементиран од Коалиција за доброчинство a финансиран од УСАИД.

Коалицијата за доброчинство, преку разни активности, вклучително и Националниот ден на донирање, се залага за развој на филантропија во Србија, промовирање на културата на донирање, создавање меѓусекторски партнерства, зајакнување на филантропската инфраструктура и подобрување на законската рамка за поттикнување на транспарентно донирање од страна на физички и правни лица.

Коалицијата е предводена од Фондацијата Ана и Владе Дивац. Други членови на коалицијата се Фондацијата Траг, СМАРТ Колектив, Форумот за филантропија на Србија, Одговорен деловен форум, Српската трговско-индустриска комора и Catalyst Balkans.

Поддршката за следење на филантропијата поврзана со КОВИД-19 кризата беше дадена преку грант од BalkanTrust for Democracy.